News > Fact Sheets
Cov Lus nug tsis tu ncua: Daim ntawv tsav tsheb rau sawv daws
Posted on Jul 03 2023
Txij thaum lub 3 hli ntuj, tim 28, xyoo 2023. Daim ntawv no tseem teev tseg, thiab tseem yuav hloov mus ntxiv. Daim ntawv no tsis yog kev feem cuam los ntawm kws lij choj.
Lub 3 Hli, Tim 7, Xyoo 2023, Governor Tim Walz tau kos npe rau tsab cai Licenses for All. Txoj cai no yuav pib lub 10 Hli Ntuj, Tim 1, Xyoo 2023. Daim ntawv no qhia txog txoj cai tshiab.
Ob peb lub hlis tom ntej no, Department of Public Safety (DPS), ILCM, thiab cov khiav dej num yuav npaj kev pab rau sawv daws kom mus thov tau daim ntawv tsav tsheb. Yog koj xav paub ntxiv, thov nkag mus rau www.ilcm.org.
Kom daim ntawv no nyeem tau yooj yim, peb yuav hais raws los lus “daim ntawv tsav tsheb (driver’s licenses)” txhua txhia qhov chaw hauv no, tab sis daim state I.D. los yeej siv tau ntawm txoj cai no ib yam.
1. Raws li txoj cai tshiab leej twg thiaj tau daim ntawv tsav tsheb?
Pib lub 10 Hli Ntuj, Tim 1, Xyoo 2023; Txhua tus pej xeem nyob huav xeev Minnesota yeej yuav tau daim ntawv tsav tsheb, tsis hais yog muaj los tsis muaj ntaub ntawv nyob Amelikas yuav tau daim ntawv tsav tsheb, tus neeg 21 xyoo, los yog laus dua, yuav tsum muaj pov thawj qhia txog koj tus kheej, thiab xeem dhau kuaj qhov muag, xeem kom tau ntawv tsav tsheb thiab xeem kom rhau kev tsav tsheb. Txoj cai txawv rau cov neeg ua muaj 16 mus txog 21 xyoo.
2. Muaj puas tsawg hom ntawv tsav tsheb, nyob rau ntawm txoj cai Driver’s Licenses for All?
Pib lub 10 Hli Ntuj Tim 1 Xyoo 2023; tag nrho cov pej xeem hau xeev Minnesota yuav tau daim ntawv tsav tsheb Class D, tsis hais koj muaj ntawv nyob Amelikas los tsis muaj (Daim duab ID nyob saum toj). Yuav tsis muaj cim nyob rau daim ntawv tsav tsheb ua yuav qhia seb koj puas muaj ntaub ntawv nyob Amelikas.
Muaj ob daim ntawv tsav tsheb nyob rau hauv xeev Minnesota: enhanced thiab Real ID. Yog tias koj xav tau daim enhanced los yog daim Real ID, koj yuav tsum muaj pov thawj qhia tias koj muaj ntawv nyob rau hau Amelikas thiab koj yog pej xeem Amelikas.
3. Yog tias kuv xav tau daim I.D. xwb es tsis xav tau daim ntawv tsav tsheb?
Txhua leej txhua tus yeej thov tau daim ID (daim duab ID nyob saum toj). Tom qab lub 10 hli ntuj, tim 1; Txhua leej txhua tus, txawm tias tsis muaj ntaub ntawv nyob Amelikas, yeej thov tau daim Minnesota ID. Tus neeg thov yuav tau mus thov daim ntawv, them tus nqi thiab muaj pov thawj qhia txog tus kheej (tib hom ntawv pov thawj li daim ntawv tsav tsheb). Pib lub 10 hli ntuj, tim 1, tag nrho cov pej xeem nyob hauv xeev Minnesota yuav muaj cai txais tau daim ID, tsis hais yog muaj ntaub ntawv nyob Amelikas. Yuav tsis muaj kev cim nyob rau daim ID ua yuav qhia seb koj puas muaj ntaub ntawv nyob Amelikas.
4. Hom ntawv pov thawj qhia txog yus tus kheej muaj li cas?
Cov ua thov daim ntawv tsav tsheb standard Class D twb yeej pib siv cov ntaub ntawv raws li cov no. Pib lub 10 hli tim 1, cov ua thov daim ntawv tsav tsheb yuav siv tau ntaub ntawv txawv teb chaws thiab tej ntaub ntawv immigration ua pov thawj qhia txog tus kheej. Cov ntaub ntawv siv tau yog li ntawm no, thiab Department of Public Safety (DPS) yuav tshaj tawm daim ntawv ua yuav qhia kom ntau tshaj txog cov ntuab ntawv ua siv tau thaum yuav ze lub 10 hli tim 1:
- Foreign passport
- Foreign birth certificate
- Foreign adoption certificate
- Certain immigration filing and approval notices
5. Nws yuav nyuaj rau kuv thaum kuv nrhiav cov ntaub ntawv ua siv ua pov thawj qhia txog kuv tus kheej. Kuv yuav ua li cas?
Txoj cai no teem caij siv rau thaum lub 10 hli, tim 1, xyoo 2023, koj tseem muaj sij hawm nrhiav ntaub ntawv. Yog tias nhriav tsis tau, koj yeej thov tau daim ntawv tsav tsheb (qhov kev sam sim hu ua “variance process”). DPS tseem nrhiav lwm cov ntsiab lus hais txog variance process. Thaum ze lub 10 hli, tim 1, DPS mam tso cov ntsiab lus hais txog variance process tawm.
6. Kuv puas yuav tau muaj ntaub ntawv pov thawj qhia tias kuv nyob rau teb chaws Amelikas thaum kuv thov daim ntawv tsav tsheb Class D?
Pib lub 10 hli, tim 1; cov thov daim ntawv tsav tsheb standard Class D, yuav tsis tau muaj muab ntaub ntawv pov thawj qhia nyob Amelikas. DPS, yuav nug tsis tau koj tias seb koj puas muaj ntaub ntawv nyob nyob rau Amelikas.
7. Kuv yog neeg tsis muaj ntaub ntawv (piv txwv, kuv nkag lub teb chaws United States tsis muaj visa, nkag nrog diam visa tab sis nyob rhau sij hawm etc.). Kuv thov puas tau daim ntawv tsav tsheb nyob rau hau Minnesota?
Tau. Pib lub 10 Hli, Tim 1, yuav tsis muaj pov thawj qhia txog ntaub ntawv nyob teb chaws Ameslika rau kev thov daim ntawv tsav tsheb. Koj yuav tau muaj pov thawj qhia txog koj tus kheej (saib qhau lus nug #4), tab sis koj tsis tas muaj ntaub ntawv qhia tias koj nyob Amelikas ua pov thawj.
8. Siv puas tau daim ntawv tsav tsheb ua daim ntawv tso cai nyob rau teb chaws Amelikas los si ua hauj lwm yog tsis muaj ntaub ntawv nyob?
Tsis tau. Txoj cai yuav ua ntaub ntawv nyob Amelikas yog tsoom fwv loj txoj cai. Daim ntawv tsav tsheb tsis tso cai nyob rau teb chaws Amelikas los si ua hauj lwm.
9. Muaj kev tiv thaiv li cas rau ntawm txoj cai Driver’s Licenses for All Law?
Pib lub 10 Hli Ntuj, Tim 1, yuav muaj cai khoo DPS hais txog kev yuav qhia txog ib tug neeg kev tuav daim ntawv tsav tsheb Class D.
Ib, Txwv tsis pub DPS qhia txog ib tus neeg li ntaub ntawv nyob Amelikas los si nws txoj kev ua pej xeem. Muaj ib qhov kev zam: DPS qhia tau rau Minnesota Secretary of State los txhim kho kev sau npe pov npav.
Ob, txwv tsis pub DPS qhia txog ib tus neeg thov los si tau daim ntawv tsav tsheb Class D rau ICE tab sis qhia tau yog muaj ntawv los ntawm tsev hais plaub kom qhia.
Peb, yog DPS qhia rau lwm lub hauj lwm txog ib tus neeg ua thov los sis thov tau daim ntawv tsav tsheb Class D, lub chaw ua hauj lwm ntawd yuav tsum kos npe rau daim ntawv pov thawj hais tias yuav tsis pub qhia tej ntaub ntawv rau ICE los si siv tej ntaub ntawv no los tswj Amelikas tej cai.
10. Yog tias kuv tau ib tus Social Security naj npawb los siv ib ntus tab sis siv tsis tau ua hauj lwm lawm, tus naj npawb ntawd puas yog tus kuv siv los thov daim ntawv tsav tsheb?
Koj yeej thov tau daim ntawv tsav tsheb Class D yog koj tsis muaj ib tus Social Security naj npawb (SSN). Daim ntawv thov tsav tsheb yuav nug kom koj sau koj tus social security naj npawb. Yog tias koj yeej muaj ib tug, koj yuav tsum sau. Txawm koj tus SSN siv tsis tau ua hauj lwm lawm los, koj yeej yuav tsum sau. Yog tias koj tsis muaj ib tus SSN, koj yuav tsum kos npe qhia hais tias koj tsis muaj.
11. Yog tias kuv muaj ITIN kuv puas tau sau?
Tsis txhob sau koj tus ITIN naj npawb rau ntawm qhov chaw sau koj tus SSN. Daim ntawv thov daim ntawv tsav tsheb tshiab no tuaj yeem kom koj sau koj tus ITIN naj npawb. Yog tias daim ntawv hais kom koj sau, koj yuav tsum sau. DPS mam qhia txog ITIN ib lub sij hawm tom qab.
12. Yuav thov daim ntawv tsav tsheb qhov twg? Puas yog hais tias kuv yuav tsum thov kuv tus kheej?
Minnesota Driver and Vehicle Services (DVS) muaj ntaub ntawv qhia txog cov chaws thov ntawv tsav tsheb, cov sij hawm xeem tsav tsheb, thiab cov nqi them kom tau daim ntawv tsav tsheb nyob rau hau Minnesota DVS website. Koj tuaj yeem thov tau daim ntawv tsav tsheb ntawm cov chaws DVS los yog ib lub chaws ua muaj khiav dej num nrog DVS. Koj tuaj yeem xeem ntawv tshav tshev, los yog teev ntawv ntawm chaws muaj khiav dej num nrog DVS. Koj yuav tsum yog tus neeg ua teev cov ntuab ntawv thov daim ntawv tsav tsheb thaib koj yuav tsum yog tus neeg xa koj daim ntawv mus rau ib lub DVS los si ib lub official DVS-partner. Yuav yog txij lub 10 hli ntuj, tim 1, Koj tus kheej yuav tsum yog tus neeg xa cov ntaub ntawv thov daim ntawv tsav tsheb.
13. Yuav ua li cas yog tias kuv tau txais daim ntawv tsav tsheb hauv lwm lub xeev?
Yog tias koj tau txais ib daim ntawv tsav tsheb hauv lwm lub xeem, koj yuav tsum saib Minnesota DVS website. Cov lus teb nyob ntawd yuav qhia koj tau daim ntawv tsav tsheb, thiab seb nws puas tseem siv tau thaum lub sijhawm koj thov daim daim ntawv tsav hau Minnesota. Tom qab koj saib tag lawm, yog Koj muaj lus nug, koj yuav tsum nug DVS los si nug ib tug kws lij choj yog tias koj muaj lus nug txog tej ntaub ntawv ua koj siv thaum koj thov daim ntawv tsav tsheb hauv lwm lub xeem.
PDF – Cov Lus nug tsis tu ncua: Daim ntawv tsav tsheb rau sawv daws
- Arabic / أسئلة كثيرا ما تُسْأَل (أسئلة شائعة): “رخصة قيادة للجميع” – العربية
- Frequently Asked Questions: Driver’s Licenses for All – English
- Les Questions Fréquemment Posées : Le Permis de conduire Pour Tous – français / French
- Kesyon yo poze souvan: Lisans chofè pou tout moun – kreyòl ayisyen/Haitian Creole
- တၢ်သံကွၢ်တဖၣ်လၢ ဘၣ်တၢ်သံကွၢ်အီၤ ခဲအံၤခဲအံၤ-ပှၤနီၣ်သိလ့ၣ် အလဲးစ့ၣ် လၢပှၤကိးဂၤဒဲးအဂီၢ် – Karen
- Had iyo Jeer la is weeydiiyo: Shatiga darawalnimada oo Idil – Soomaali/Somali
- Preguntas más frecuentes: Licencias de Conducir para Todos – Español/Spanish
- Maswali Yanayoulizwa Mara Kwa Mara: Leseni za Udereva kwa Wote – kiswahili/Swahili
- Поширені запитання: Водійські посвідчення для всіх – українська/Ukrainian